Tuesday, May 15, 2012

ரெடி, லைட்ஸ், கேமரா, ஆக்க்ஷன் - 2


பாட்டி வீட்டுக்கு வரும் போதே ரோட்ல போஸ்டரேல்லாம் பார்த்து என்ன படம் போலாம்னு ஒரு மாதிரி முடிவு பண்ணிட்டுத் தான் வந்துருப்பாங்க.

பாட்டிக்கு அழுவாச்சி படம் பிடிக்காது போல, 5 ருபாய் வாங்கிட்டு 10 ரூபாய்க்கு நடிக்கிற நடிகர் திலகம் சிவாஜி கணேசன் படமெல்லாம் சாய்சஸ்ல விட்டுட்டு அவங்க டிக் பண்றது வேற யாரு நம்ம தங்கத் தலைவர் பொன்மனச் செம்மல் வாத்தியார் படம் தான்.

எனக்கு எம்.ஜி.ஆர், சிவாஜின்னு எல்லாம் சொல்லத் தெரியாது மாத்தி மாத்தி தப்புத் தப்பா சொல்லுவேன். என்னையப் பொறுத்த வரைக்கும் அது கலர் படமில்ல அவ்வளவு தான்.

அம்மா சின்ன வயசுல வளர்ரப்போ, அவங்க அம்மா( அம்மா பாட்டி) ரொம்பா ஸ்டிரிக்ட்டாம். அம்மா சினிமாவே பார்த்தில்லையாம். அதனால, கல்யாணத்துக்கப்பறம் அம்மா பார்க்காத படமெல்லாம் பார்த்து “காட்ச் சப் (Catch Up) பண்ணுவாங்க. அப்படி பழைய சினிமாப்படம் போகுபோதெல்லாம் என்னையக் கூப்பிட்டா “புலி பசிச்சாலும் புல்லத் திங்காது மாதிரி தெனாவெட்டா முடியாதுன்னு சொல்லிருவேன். 

அவங்களும் விட்டது தொல்லைன்னு அம்மா பாட்டி வீட்ல விட்டுட்டு போய்டுவாங்க. நானும் பாட்டி மதியம் தூங்கினப்பறம் ஜாலியா தெருப் பசங்க பம்பரம் விடறத,, கோலி விளையாடுறத பார்க்கப் போய்டுவேன். (வேக்கேஷன் டைம்ல பாட்டி வீட்ல தான இருப்போம்).

அப்படி வேக்கேஷன் இல்லாத சில சமயத்துல என்ன யார் வீட்லயும் விடமுடியாத சூழ்நிலைல தான், நான் அழ, அழ சில நேரம்  அடிச்செல்லாம் பழையப் படத்துக்குக் கூட்டிடுப் போய்ருக்காங்க. ரிமம்பர்...புலி பசிச்சாலும் புல்லத் திங்காது.

ஆனா அப்படியாப்பட்ட இந்த புலிய(நான் தாங்க...ஹி ஹி) ஒரு தடவ வார்த்தை விளையாட்டு விளையாடி “புல்லா ஏமாத்திக் கூட்டிட்டு போனாங்க. எப்படியா...

நான் தான் கேள்வியின் நாயகியாட்ச்சே. சின்ன வயசுல சில கேள்விகள் ஸ்டண்டர்டா வச்சிருப்பேன்.
உ.தா. யாராவது விருந்தாளிங்க வீட்டுக்கு தங்கற மாதிரி வந்த. நல்லா அவங்க கொண்டு வந்த ஆப்பிள், ஜூஸ்பெர்ரி, பிஸ்கெட்டெல்லாம் முன்ன பின்ன பார்க்காத மாதிரி, சாப்பிடாத மாதிரி, மொக்கு மொக்குன்னு மொக்கிட்டு அவங்க கிட்ட ரொம்ப சந்தோஷமா “நீங்க எப்போ ஊருக்கு போறீங்க்ன்னு கேட்பேன்.

அவங்க டெரர் ஆகி எங்க அம்மாவ நல்லா வளர்த்து வைச்சுருக்கீங்க பிள்ளையன்னு பார்ப்பாங்க. நான் ஏன் அப்படி கேட்பன்னா, வந்தவங்க நிறையா நாள் வீட்ல இருக்கனும்னு எனக்கு ஆசை. ஒரு வேளை சீக்கிரமாப் போறாங்கன்னா. “போகாதீங்க போகாதீங்க, ப்ளீஸ் ப்ளீஸ்ன்னு கெஞ்சுவேன். இரண்டு நாள் இருக்காங்கன்னா அதுக்கு ஏற்ற மாதிரி என் ஈவ்னிங் விளையாட்டுப் பிளான் போட்டு வச்சுப்பேன். 
இத எங்கம்மா விளக்கு விளக்குன்னு சபீனா போட்டு விருந்தாளிங்கக் கிட்ட விளக்கறதுக்குள்ள ஒரு வழியாகிருவாங்க.

அதே மாதிரி சினிமாவுக்கு வான்னு கூப்பிட்டா நான் கேட்கற முதல் கேள்வி “கலர் படமா ? பிளாக் & ஒய்ட்டா?” அப்படி ஒரு தடவக் கேட்டக் கேள்விக்கு சுட்ட பழம் வேணுமா, சுடாத பழம் வேணுமான்னு முருக பெருமான்னு ரேஞ்சுக்கு எங்கம்மா ““பச்சை விளக்கு””ன்னு சொல்லி என்னைய கன்ஃபுயூஸ் ஆக்கிக் கூப்பிட்டுப் போய்ட்டாங்க. 

ஆனா, எனக்கோ ஒரே டவுட்டு அம்மாவோட “எக்ஸ்பிரஷன்ல ஏதோ என்னைய ஏமாத்தின மாதிரி ஒரு “ஃபீல் இருந்தது. போற வழியேல்லாம் நான் போஸ்டரப் பார்த்தாவதுக் கண்டுபிடிக்கலாம்னு கண்ண மேயவிட்டுட்டேப் போனா... பிளாக் & ஓயிட் படப்போஸ்டர படுபாவிங்க சிவப்பு, மஞ்சள், பச்சை கலரக் கொடுத்து இன்னும் கன்ஃபுஸ் பண்ணி வச்சிருந்தாங்க.

பாதி வழில போஸ்டர்ல எம்.ஜி.ஆர் இருக்காரு (நமக்கு தான் சிவாஜி, எம்.ஜி.ஆர் விவரம் தெரியாதே) நான் வரலன்னு “ஸ்ட்ரைக் பண்ண ஆரம்பிச்சேன். அதுக்கு இன்னொரு படப்போஸ்டரக் காட்டி அம்மா சமாதனம் பண்ணங்க. 

அது, இதுக்கு மேல கன்ஃபுஸன். ஆமாங்க, நடிகர் திலகம் சும்மா இல்லாம “வாழ்க்கை அது இதுன்னு அந்தக் கால கனவுக்கன்னிகள் அம்பிகா ராதாக் கூடெல்லாம் நடிச்சிட்டுருந்த டைம். அதுல ஒரு போஸ்டரத் தான் அம்மா காண்பிச்சாங்க. 

சரி என்ன தான் ஆவுதுன்னு போய் தியேட்டர்ல உட்கார்ந்தா,... நல்லா பிளாக் & ஓய்ட்ல, செவாலியர் சிவாஜி இஞ்சின்ல கரிய அள்ளி அள்ளிப் போட்டுக்கிட்டு பாட்டுப் பாடிக்கிட்டு வராரு.


படமும்  அழுகை,..நானும் இங்க செம அழுகை.

நம்பிக்கைத் துரோகத்தோட வலி இருக்கே...அப்பப்பப்பா...நெஞ்சு அடைச்சு, விம்மி, விம்மி, கண்ல தண்ணீர் கோர்த்து, விக்கி விக்கி இப்படி ஏமாந்து போய்ட்டோமேன்னு அழுதா. அதக் கண்டும் காணமலும் இந்த அம்மாமார்களேல்லாம் நடிகையர் திலகம் சாவித்திரியே நோட்ஸ் எடுத்துக்கற ரேஞ்சுக்கு ஒரு ஆக்டிங் கொடுப்பாங்களே.....அடடடடா,...தாங்காது...(நம்ம சின்ன மனசும் தான்)

ஆக,...இப்படியாப்பட்ட, அப்படியாப்பட்ட புலி பாட்டிக் கூட பிளாக் & ஒயிட் இதயக்கனி வாத்தியார் படம் பார்க்க ரெடியாகிட்டு இருக்கும்...

    -       அடுத்த பதிவுல பாட்டிக் கூட படம் பார்க்கலாம்....ம்ம் சரியா..

3 comments:

  1. Nice narration... could't ctrl laughing... eppavo padicha sujatha stories ggnabagam varuthu...

    ReplyDelete
  2. இப்படியாப்பட்ட அப்பிடியாப்பட்ட புலி எப்பிடி படம் பாத்ததுன்னு நாங்களும் பாக்க தானே போறோம்! :)

    ReplyDelete
  3. @RajaBala -வாங்க வாங்க ராஜபாலா. உங்கள் பின்னூட்டத்திற்கு மிக்க நன்றி. ஆனாலும், சுஜாதா என்று சொல்றது ரொம்ப ஓவர்.
    @Thakkudu - வாங்க தக்குடு. உங்கள் வரவுக்கு நன்றி.

    ReplyDelete

வானவில்லின் வண்ணத்தைப் பற்றிய வர்ணனைகள்